Íþróttaskólinn á laugardaginn

Nú á laugardaginn 9. desember er síðasti tíminn í íþróttaskóla FH í Kaplakrika en hann hef ég verið með samfleytt frá því haustið 1995 og geri aðrir betur. Á laugardaginn er síðasti tíminn nú fyrir jól en þá verða báðir hópar saman. Hjá okkur eru skráð yfir 100 börn, það hafa verið að mæta milli 85 og 100 börn í hvern tíma (það eru tveir hópar).

• Við byrjum jólatímann kl. 10:00 þar sem foreldrar og börn leika sér saman á tívolístöðvum.
• Gerum svo ráð fyrir að fá einhverja rauðklædda kalla í heimsókn.
• Allir fá síðan eitthvað að svala, kex og mandarínu og eru leystir út með smá gjöf.

Allir eru hjartanlega velkomnir á laugardaginn ef þú ert á aldrinum 2-6 ára og hefur pabba eða mömmu með þér!